Рождество мерекесіне қосымша демалыс күн беріле ме?
Құрбан айт және Рождество діни мерекелері ресми мейрамдар болып саналмайды, бірақ демалыс күндерге жатады.
Бұл туралы «Қазақстан Республикасындағы мерекелер туралы» Заңында көрсетілген. Құжатта келтірілген мәліметке сүйенсек, демалыс және мереке күндері сәйкес келген жағдайда мерекеден кейінгі жұмыс күні демалыс күні болып есептеледі.
Биыл Рождество мерекесінің алғашқы күні жексенбіге түсіп тұр. Бұл діни мереке заңда көрсетілген ұлттық және мемлекеттік мереке күндерінің тізіміне кірмегендіктен, демалыс дүйсенбіге ауыстырылмайды.
Еске сала кетейік, Қазақстан Үкіметінің қаулысымен 2018 жылғы сенбі күніне сәйкес келетін демалыс күндері ауыстырылған болатын.
3 наурыздан 9 наурыз жұмаға;
28 сәуірден 30 сәуір дүйсенбіге;
5 мамырдан 8 мамыр сейсенбіге;
25 тамыздан 31 тамыз жұмаға;
29 желтоқсаннан 31 желтоқсан дүйсенбіге көшірілді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе