Қазақ эстрадасының жарық жұлдызы Роза Рымбаева Беларусь президенті Александр Лукашенконың қолынан арнайы сыйлық алды. Лукашенко сыйлықты Витебскідегі «Славян базары – 2018» байқауының ашылу салтанатында табыстады.
Беларусь президентінің қолынан «Өнер арқылы бейбітшілік пен өзара түсіністікке» сыйлығын алған Роза Қуанышқызы Instagram желісіндегі парақшасында сүйінші сұрап, қуанышты жаңалығымен бөлісті.
«Жоғары баға беріп, жылы қабылдағаны үшін Лукашенко мырзаға көп алғыс білдіремін», – деп жазды Халық әртісі.