Қазинвестбанк өткен жылдың соңында өз міндетін орындамағаны үшін лицензиясынан айырылды.
Лицензиясынан айырылар алдында Қазинвестбанктің шотынан 180 миллиард теңге бұзып алынуы мүмкін деп хабарлады КТК телеарнасы. Бұл туралы мәліметті Мәжіліс депутаты жеткізді.
«Кейбір азаматтардың ресми емес мәліметі бойынша, Қазинвестбанктің жеке тұлғаларға қызмет көрсету лицензиясын толықтай тоқтату кезінде одан 180 миллион теңге шығарылған, соның салдарынан ол банк бірден тұрақты қаржы ұйымынан қаржылық әлеуеті төмен банкке айналып шыға келді», — дейді Мәжіліс депутаты Азат Перуашев.
Қазинвестбанк өткен жылдың соңында өз міндетін орындамағаны үшін лицензиясынан айырылды. Енді банкті жою процесі басталған.
Айта кетелік, бұл банкте қазақстандықтардың 16 миллиардтан астам жинағы болған. Салымшыларға жинағын қайтарып беруге уәде берілді, онда да кепіл берілетін соманы ғана. Ал осы банк шотындағы зейнетақы жинағының 3 миллиард теңгесі не болады, оның жайы әзірге белгісіз. Перуашевтің айтуынша, ол ақшаны қайту-қайтпауы екіталай.