Рио-2016: Алматы әуежайынан Олимпиада жеңімпаздарын салтанатпен қарсы алды (Фото)
Бүгін түнде, сағат 01:30-да Амстердам-Алматы рейсімен Олимпиада жүлдегерлері Елдос Сметов пен Отгонцэцэг Галбадрах оңтүстік астанамыздың әуежайына ұшып келді.
Бұл туралы ҚазАқпарат хабарлады.
Спортшыларды VIP-терминал арқылы жүлдегерлердің ата-анасы, достары, БАҚ және қалалық әкімдіктің өкілдері күтіп алды.
– Ұлымның жеңісіне қуаныштымын. Бұл үздіксіз жаттығу мен бапкерлердің еңбегінің арқасы. Елдос 6 жасынан спортпен айналысып келеді. Олимпиадаға қатысу оның арманы болды, – деді Елдостың әкесі Бақтыбай Сметов.
– Жеңісімді Елбасымыз Нұрсұлтан Назарбаевқа арнаймын. Осындай құрмет, қошеметпен қарсы алып жатқандарыңыз үшін баршаңызға айтар алғысым шексіз. Бұл жеңісті Ел Тәуелсіздігінің 25 жылдығына табыс етемін. Риода спортшыларымызға тек жеңіс тілеймін, – Елдос Сметов.
Олимпиаданың қола жүлдегері Галбадрах Отгонцэцэг те барлығына алғыс айтты.
– Барлығыңызға, қолдау көрсеткендеріңізге рахмет. Олимпиада алтыны – менің бұрыннан арманым. Мен оған жеттім. Алға, Қазақстан!,- деді Галбадрах Отгонцэцэг.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе