Ресейге есірткі жеткізудің арнасын ашпақшы болыпты
Қазақстандық тәртіп сақшылары Ресейге есірткі жеткізудің тағы бір арнасына тосқауыл қойды деп хабарлайды Қазақстан Республикасы Ішкі істер министрлігінің баспасөз қызметі.
– Қазақстан Республикасы ІІМ Есірткі бизнесіне қарсы күрес департаментінің қызметкерлері Шығыс Қазақстан облысы Ішкің істер департаментіндегі әріптестерімен бірлесіп, жедел-іздестіру іс-шараларын өткізу барысында 2018 жылғы 21-қаңтарда Жамбыл облысының Тараз қаласында «Н» деген азаматты құрықтады. Осы азаматқа тиесілі автомашинаның жүк салғышынан 2 сөмкеге салынған, жалпы салмағы 59 килограмм «марихуана» есірткі заты табылып, тәркіленді. – делінген ведомствоның баспасөз қызметі таратқан ақпаратта.
Ұсталған адам Қазақстан Республикасы ҚПК-нің 128-бабына сәйкес уақытша ұстау изоляторына қамалды, тергеу іс-шаралары өткізілуде.
Қазақстан Республикасы ІІМ Есірткі бизнесіне қарсы күрес департаментінің бастығы Заппаров Арыстанғани атап өткендей, «Н» деген азамат есірткіні Шығыс Қазақстан облысынана Ресей Федерациясының солтүстік өңірлеріне жеткізу арнасын жөнге келтірмекші болған кезде жедел қызметкерлердің назарына түсті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе