Ресейдің Сыртқы істер министрлігі Қазақстандағы қазақ әліпбиін латынға көшіруге қатысты мәлімдеме жасады.
Бұл туралы Ресей СІМ басшысының орынбасары Григорий Карасин айтты – деп хабарлады РИА Новости.
“Меніңше, бұл жағдайда біз сабырлымыз, ұстанымымыз да байсалды, айналып келгенде, қандай тілдердің қандай деңгейде қолданылатыны – Қазақстанның ішкі мәселесі ғой “, – деді Карасин.
“Біздің екіжақты қарым-қатынасымызды бейімдеудің, орыс тілін латынға қатысты жаңа жағдайда қалай бейімдеудің амалдарын табатынымызға сенімдімін”, – деді ресейлік дипломат.
Айта кетелік, бірер күн бұрын Президент Нұрсұлтан Назарбаев қазақ тілі әліпбиін кириллицадан латын графикасына көшіру туралы Жарлыққа қол қойған еді.