“Реалдың” жеті ойыншысы Роналдуға қарсы шықты
Мадридттік “Реалдың” жеті ойыншысы клуб бапкері Зинедин Зиданнан шабуылшы Криштиану Роналдуны қосымша ойыншылар қатарына қосуды сұрады, – деп хабарлайды “Вести.Ру” Don Balon журналына сілтеме жасап.
Ойыншылар португалиялық футболшыға берілетін артықшылықтар мен оның тәкаппарлығына наразы, сондай-ақ ол алаңда бар күшін салып ойнамайды екен-мыс. Ал алаңда аты шыққан емес, дайындығы жақсы ойыншылар өнер көрсетуі керек дейді олар.
Басылым мәліметі бойынша, “Алтын допты” төрт рет иеленген португалдыққа Альваро Мората, Марко Асенсио, Гарет Бэйл, Матео Ковачич, Лука Модрич, Лукас Васкес және Тони Кроос қарсы. Клуб өкілдері мұндай әңгіменің болмағанын және бұл эль-классико алдындағы журналдың шығарған шуы екенін айтады.
Осы арқылы олар “Барселонамен” маңызды ойын алдында командаға іріткі салмақ екен деген пікір айтады. Don Balon журналы Барселонада шығатынын айта кету керек.
Дереккөз: kaz.tengrinews.kz
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз