ҚР Ұлттық экономика вице-министрі тағайындалды
ҚР Ұлттық экономика министрі Тимур Сүлейменов ведомство ұжымына жаңа вице-министр Серік Жұманғаринді таныстырды.
Бұл туралы министрліктің баспасөз қызметі хабарлады.
Бұл тағайындауға дейін Серік Жұманғарин 2 жылдан астам Қазақстанның Ұлттық экономика министрлігі Табиғи монополияларды реттеу және бәсекелестікті қорғау жөніндегі комитетін басқарды. Ведомство басшысы Жұманғаринді тағайындалуымен құттықтап, оның жинаған тәжірибесін жаңа лауазымдағы жұмысында тиімді қолданатынына сенім білдірді.
Жұманғарин әр жылдарда Экономикалық даму және сауда министрлігі Өңірлік саясат және бюджетаралық қатынастар департаментінің директоры болып жұмыс істеді, Өңірлік даму комитеті төрағасы лауазымын атқарды, республиканың Өңірлік даму министрінің орынбасары болды.
Айдар Әріпханов Ұлттық экономика вице-министрі лауазымынан басқа жұмысқа ауысуына байланысты босатылды. Ведомство басшысы Үкімет атынан Әріпхановқа жұмысы үшін алғыс айтып, шағын және орта кәсіпкерлікті қолдау бағытындағы үлесіне жоғары баға берді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз