Бішкектік зейнеткер Ресей президенті Владимир Путиннен материалдық көмек алып беруге уәде еткен алаяқтарға алданып қалды. Милиция ұйымдасқан қылмыстық топты іздестіріп жатыр, деп хабарлады Бішкек ІІД баспасөз қызметі.
Милицияның хабарлауынша, 26 қаңтарда 1934 жылы туған М. Ч. есімді зейнеткер құқықорғау органдарына арызданған. Ол Ресей президенті Владимир Путин атындағы материалдық көмек алып беруді уәде еткен әйел мен еркекке 939 мың сом бергенін айтқан.
Күдіктілер қазір Бішкектегі тергеу абақтысында отыр. Олардың үйлерінде тінту жүргізіліп, заттай айғақтар алынған. Ұсталғандар дәл осындай бес қылмыс жасағанын мойындаған.
Бішкек милициясы алаяқтыққа қатысты қылмыстық іс қозғады.