Путин 2018 жылғы президент сайлауына қатысатынын мәлімдеді

Ресей президенті Владимир Путин 2018 жылы сайлауға қатысатынын мәлімдеді, – деп хабарлайды РИА Новости.

“Мен Ресей Федерациясының президенті қызметіне кандидатурамды ұсынамын”, – деді Путин ГАЗ зауытының жұмысшыларымен кездесу барысында.

Путиннің бұл сөзінен кейін залдағылар ду қол шапалақ ұрып, қошемет білдірді.

“Ниеттеріңізге рақмет, бастысы еңбектеріңізге рақмет. Ісімізге, кәсіпорнымызға, қаламызға, елімізге деген қарым-қатынастарыңызға алғыс. Қолымыздан келеді, сенімдімін”, – деді РФ президенті.