Пробация қызметінде ауқымды челлендж: құқықтық сауаттылық пен әлеуметтік бейімделуге басымдық
2026 жылы 5 мамырда «Заң мен тәртіп» қағидаты аясында Қарағанды және Ұлытау облыстары бойынша Қылмыстық-атқару жүйесі департаментіне қарасты барлық аумақтық пробация қызметтерінде есепте тұрған азаматтардың құқықтық сауатын арттыруға және әлеуметтік бейімделуіне бағытталған кең ауқымды челлендж ұйымдастырылды.
Аталған бастама пробация қызметкерлерін, полиция, прокуратура өкілдерін және жергілікті атқарушы органдарды бір мақсатқа біріктірді. Іс-шара барысында сотталған азаматтарды қолдау, олардың құқықтарын түсіндіру, сондай-ақ қоғамға толыққанды бейімделуіне жағдай жасау мәселелеріне ерекше назар аударылды.
Челлендж аясында қатысушылар құқықтық диктант жазып, заң талаптарын сақтау тақырыбында профилактикалық әңгімелерге қатысты. Сонымен қатар оларға әлеуметтік және құқықтық қолдау шаралары жөнінде кең көлемде түсіндірме берілді. Әсіресе, жұмысқа орналасу және жазасын өтегеннен кейінгі өмірге бейімделу мәселелері кеңінен қамтылды.
Іс-шара Приозерск қаласынан бастап Нұра ауданына дейінгі барлық өңірді қамтыды. Бұл мемлекеттік органдардың азаматтарға қолдау көрсету жолында үйлесімді әрі тиімді әрекет ете алатынын көрсетті.
Мамандардың айтуынша, мұндай бастамалар құқықтық мәдениетті қалыптастыруда маңызды рөл атқарады. Сонымен қатар азаматтардың қоғамға бейімделуіне ықпал етіп, қайталама құқық бұзушылықтың алдын алуға нақты мүмкіндік береді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе