Приозерскте ұлын өртеп жіберген адам қайтыс болды
Қарағанды облысы ішкі істер департаментінің баспасөз қызметі күдіктінің көз жұмуына байланысты қылмыстық істі қарау тоқтатылуы мүмкін бе деген мәселе жағын кейінірек нақтылайтындарын айтты.
Балқаштың орталық ауруханасында ұлын өртеп жіберген 49 жастағы ер адам көз жұмды деп хабарлады Zakon.kz.
Бұл туралы Балқаш ауруханасындағылар айтқан. Жан сақтау бөлімінің қызметкерлерінің айтуынша, ер адам денесінің 90 пайызын күйік шалған, оған қоса 4-қабаттан секіргенде де қатты зақым алған.
Еске сала кетелік, қыркүйектің 11-інен 12-сіне қараған түні Приозерскте отбасылық жанжалдан соң ер адам ұлының екеуінің үстіне бензин құйып, от қойған. Одан кейін отағасы ашық тұрған терезеден секіріп кеткен. 8 жастағы бала алған жарақатынан оқиға орнында көз жұмды. Сонымен қатар улы газдан жоғары қабаттағы пәтердегі екі адам қайтыс болды.
Бұл оқыс оқиғаға байланысты ҚР Қылмыстық кодексінің 99-бабы бойынша сотқа дейінгі тергеу ісі қозғалған болатын.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз