Президент айтып тастаған жаңа Жолдауды жүзеге асыру үшін 70 млрд теңге керек екен

Елбасының халыққа Жолдауындағы міндеттерді іске асыру үшін шамамен 70 млрд теңге қаражат керек, – деп жазады 24.kz.

Бірақ нақты сома ұлттық жоспар әзірленген соң белгілі болады. Бүгін бұл мәселе Үкімет отырысында қаралды. Қаржы министрі Бақыт Сұлтановтың айтуынша, қазір республикалық және жергілікті бюджеттің қалдықтары 225 млрд теңгеден асады. Бұл сома ағымдағы жылы бюджетті нақтылауға және Жолдаудағы тапсырмаларды орындауға бағытталады.

– Үкімет отырысында біз Елбасының жолдауын іске асыру туралы шараларды талқыладық. Тиісті тапсармалар барлық мемлекеттік органда бар. Біз осы күні жалпыұлттық жоспарды әзірлеп отырмыз. Соның ішінде тиісті мемлекеттік органдармен тиісті есеп жүргізетін боламыз. Алдын ала есеп бойынша берілген тапсырмаларды орындауға 70 млрд теңге керек болып тұр, – деді ҚР Қаржы министрі Бақыт Сұлтанов.