“Позорды” шашты ғой, бұлар…”. Банк қызметкерлерін балағаттаған келіншек сотта тағы ашуланды
Елорда тұрғыны банктердің бірінің операторын балағаттағаны үшін моральдық шығынды өтеуге міндеттелді.
Бұл туралы Астана сотының баспасөз қызметі хабарлайды.
Банк клиентін төрт штаттан тыс оператор сотқа берген.
Астана тұрғыны 2011 жылы банктен кредит алып, 2017 жылы ақпанда кезекті төлемін уақытылы төлемейді. Соған байланысты банк әйелдің телефонына дауыс хабарламасын қалдырып, қайта хабарласуды сұрайды. Әйел банкке хабарласқанда, оған Д есімді оператор жауап берген.
Әйел адам дауыс көтеріп, операторды балағаттап, ар-намысына тиетін сөздер айтады.
Бірнеше минуттан соң тағы екі рет хабарласып, өзге операторларға да тіл тигізген.
Он бір күннен соң клиент қайта хабарласып, А есімді оператормен сөйлесіп, оны да балағаттайды.
Төрт арыз берушінің әрқайсысы елордалық әйелден моральдық шығын ретінде 20 мың теңге төлеуді талап етті. Сот олардың талабын жартылай қанағаттандырып, біреуіне 15 мың, екеуіне 10 мың теңгеден, төртіншісіне 5 мың теңге төлеуге міндеттеді.
Сот шешімі заңды күшіне енген.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе