Пианист наразылық акциясының дәл ортасында қалса да, тоқтамай музыка ойнады
Барселонада және Испанияның басқа қалаларында бірнеше күн бойы Үкімет басшысы Педро Санчес енгізген коронавирустың алдын алуға бағытталған шектеу шараларына қарсы наразылық акциялары өтіп жатыр.
Көшеде адамдар бүлік шығарып, тіпті оқ атып, шабуыл жасауда. Бірақ мұндай хаостың ішінде де киелі өнерге орын табылды. Бұны осы наразылық акцияларының дәл ортасында музыка ойнап отырған пианистің видеосы дәлелдеді.
Видеодағы ер адам тротуардың бір шетіне орналасып, пианиномен The Bangles тобының Eternal Flame әніне өз каверін ойнады. Ол әуеннен ләззат алып, айқайларды, кадрларды, полиция сиреналары мен жедел жәрдем шақыруларын елемей, процеске жан-тәнімен берілгендей көрінді. Өзінің айналасында жүгіріп, шабуыл жасап, үрейленіп жатқан адамдарға мән бермей, әнді әрі қарай орындай берді.
Видео Twitter-де 2,1 миллион рет қаралды, ал пікір жазған пайдаланушылар пианистің тыныштығына таңданыстарын жеткізді.
Серіктестер жаңалықтары
© «365 Info», 2014–2023 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз