Петропавл қалалық ішкі істер департаментінің қызметкерлері бірнеше күн бұрын үйінен кетіп, содан оралмаған оқушы қызды тапты.
Петропавл қалалық ішкі істер департаментіне қаладағы бір мектептің басшылығы хабарласып, оқушының жоғалғанына арызданған.
Бұл іске қатысты іздеу шарасы ұйымдастырылды. Қаладағы компьютерлік клуб пен ойын-сауық орындары тексерілді.
Іздеу кезінде полиция қызметкерлері қыздың қайда болғанын анықтады. Жоғалған қызды көргені туралы Солтүстік Қазақстан облысындағы адамдар полицияға хабарлап, мәлімет берген. Қыз Солтүстік Қазақстан облысы, Мағжан Жұмабаев ауданына қарасты Молодежное ауылында болып шықты.
«Анықталғандай, ол интернет арқылы жігітпен танысып, оған қонаққа барған», – дейді Петропавл қалалық ішкі істер департаменті бастығының бірінші орынбасары, полиция подполковнигі Асан Мейрамов.
Қазір оқушы қыз үйінде.