Педиатрлер одағының басшысы КВИ-дің балаларда қалай өтетінін айтты

«Ересектерге қарағанда балалар коронавирустық инфекцияны сирек жұқтырады, —

деген Боранбаеваның сөзін inform.kz келтіреді —

Негізінен респираторлық белгілер пайда болады, сондықтан ЖРВИ-ға ұқсайды. Көбінесе дене қызуы, жөтел, интоксикация белгілері: әлсіздік, бұлшықеттерінің ауырсынуы байқалуы мүмкін. Жиі кездесетін симптомдардың бірі – диарея. Бұл негізгі белгілер.

Балалаға ерекше емдеу әдісін қолдану қажет емес. Бұл ауру симптомсыз өтеді, үйде әдеттегі вирустық инфекция ретінде емдеуге болады.

Орташа және ауыр нысандар өте сирек кездеседі. Негізінен олар қосалқы патологиямен байланысты болады. Яғни денсаулығында проблемалары бар, созылмалы, онкологиялық, тұқым қуалайтын аурулары бар балаларда орташа және ауыр жағдайда өтуі мүмкін.

Біз үнемі республика бойынша мониторинг жүргізіп отырамыз. 20 шілдеде коронавирустық инфекция диагнозы қойылған 164 бала тіркелген, оның 15-і жаңа туған сәбилер. 102 балада ауру симптомсыз, 42 балада жеңіл, 13 балада орташа және жетеуінде ауыр түрде өтуде. Бірақ бұл балаларда ілеспе патология болды.

Негізінен коронавирус респираторлық инфекция ретінде емделеді: жылы  сусындарды, құнарлы, теңдестірілген тамақты көбірек ішу керек. Егер мұрын бітеліп қалса, мұрынға тұзды тамшылар тамызуға болады.

Балаларға қандай да бір арнайы вирусқа қарсы препараттар ұсынылмайды, себебі бүгінгі күні «ковидті» инфекцияға әсер ететін арнайы вирусқа қарсы препараттар жоқ

Қолда бар вирусқа қарсы препараттар басқа вирустық инфекцияларда қолданылған. Қазір бұл препараттарға клиникалық сынақтар жүргізіліп жатыр, олар тек ересектерге қолданылады. Егер балалардың 80%-ы симптомсыз немесе жеңіл түрде ауырғандақтан,оларды вирусқа қарсы препараттармен емдеудің қажеті жоқ деп есептейміз».