Павлодарда жылу құбырының сыртқы орамасы өртеніп кетті
Павлодар қаласының солтүстік өндірістік аймағында жылу трассасы бойындағы құрғақ шөп өртенді. Төтенше жағдай орын алған жерге жеткен өрт сөндірушілер жарты шақырым аумақты жалмаған қызыл жалынды ауыздықтады, деп хабарлайды pavlodarnews.kz.
– Оқыс оқиға орын алғаны туралы өрт сөндіру қызметіне хабарлаған куәгердің арқасында қызыл жалынға дер кезінде тосқауыл қойылды. Құбырларда «Павлодар жылу желілері» компаниясына тиесілі оқшаулағыш материал өртенген. Сонымен қатар, жылу трассасының бойында шөп жанған. Нәтижесінде 150 метр жылу трассасын есепке алғанда, жалпы аумағы 500 шаршы метр жер сөндірілді, – дейді М. Сағынаева.
Өрт сөндірушілердің пайымдауынша, тілсіз жау қурап қалған шөптің тұтануынан шыққан болуы мүмкін. Сондай-ақ, мамандар жылу трассаларында өрттің туындауына адами фактор себеп болады деген пікірде.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе