Павлодар қалалық маслихат депутаттары жол ақысын 70 теңгеге дейін көтеру ұсынысын бір ауыздан қолдап, бекітті.
Тамыздың 4-інен бастап қаладағы қоғамдық көліктерде жол ақысы жаңа бағамен төленбек, деп хабарлайды pavlodarnews.kz.
«Тасымалдаушылардың Павлодар облыстық одағы» қауымдастығы қоғамдық көліктердегі жол ақысын 60 теңгеден 80 теңгеге дейін өсіруді сұрап отыр. Оған себеп –жанар-жағармай мен коммуналды қызмет бағасының өсуі. Жалпы, еліміз бойынша орташа баға – 70 теңге, сондықтан біз осы бағаны қалдыруды өтінеміз. Мүгедектер мен қандай да бір жеңілдік иелеріне бұрыңғы ережелер сақталады.
Қалалық маслихат депутаттары ұсынысты бір ауыздан қолдап, келесі талаптарды қойды:
– Барлық 15 санатқа жататын адамдарға жеңілдікті қалдыру;
– Ыңғайлылық үшін қоғамдық көліктердің интервалын бір қалыпқа келтіру;
– Көліктерге модернизация жасау;
– Билет беру жүйесін жақсарту.