Павлодарда төртінші қабаттан секіріп кеткен оқушы аман қалды
Павлодарда он төрт жастағы қыз бала әжесімен ренжісіп төртінші қабаттан секіріп кетті.
Бұл туралы Павлодар облыстық ішкі істер департаментінің баспасөз қызметіне сілтеме жасап, Sputnik Қазақстан хабарлады.
Полиция хабарлағандай, 2017 жылы 25-наурызда 20:30-да полицияға 64 жастағы әйел адам хабарласқан. Оның айтуынша, сол күні сағат 15:30-да 9-сыныпта оқитын 2002 жылы туған немересі ренжісіп үйден кетіп қалған, кейін төртінші қабатта орналасқан пәтердің терезесінен секіріп кетіпті. Қолданылған шаралар нәтижесінде қыз бала Кутузов көшесіндегі үйдің екінші подъездінен табылып, облыстық балалар ауруханасына жатқызылды.
Қыз бала 2016 жылдан бері қамқоршысы болып келе жатқан әжесімен бірге тұрады екен. Анасы кәмелеттік жасқа толмаған төрт баласына қатысты ата-ана құқығынан айырылған. Қалған үш баласы балалар үйінде. Бұл дерек бойынша ҚР Қылмыстық кодексінің 105-бабына сәйкес сот алды тергеу жүргізілуде. Болған оқиғаның мән-жайы анықталып жатыр.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз