Павлодарда микроавтобус шопыры өз-өзіне қол жұмсады

Павлодарда №4 микроавтобус салонында жүргізушінің өлі денесі табылды.

Бұл туралы Sputnik Қазақстан хабарлады. Алдын ала болжам бойынша, Павлодарда қала ішінде қатынайтын микроавтобус шопыры қызметтік көлік салонында өз-өзіне қол салған.

Павлодар облысы ішкі істер департаменті баспасөз қызметі хабарлағандай, сағат 11.00 кезінде Павлов көшесі бойындағы үй ауласында №4 микроавтобус салонында 1979 жылы туған ер адамның денесі табылды. Мәйіттен өз-өзіне қол салу белгілері табылған. Аталмыш дерек бойынша ҚР Қылмыстық кодексінің 105-бабы 1-бөлігіне сәйкес, сот алды тергеу ісі жүргізілуде.