Павлодарда ерлі-зайыптыларды өлтірді деген күдікпен жасөспірім қамауға алынды

Павлодарда 17 жастағы жасөспірім ерлі-зайыптылардың өліміне кінәлі деген күдікке ілінді.

Бұл туралы Today.kz хабарлады.

28 жастағы ер адам мен 37 жастағы әйелдің денесі 16 наурыз күні саяжайдағы үйден табылған. Полицияның хабарлауынша, оқиғаны тергеп, кінәліні шұғыл іздестіру барысында жасөспірім өлімге кінәлі деген күдікпен қамауға алынған.

“Аталған факт бойынша ҚР Қылмыстық кодексі 99 бабының 2 бөлімі 1 пункті “Адам өлтіру” бойынша тергеу жүріп жатыр. Соттың санкциясымен күдікті қамауға алынды”, – дейді Павлодар облыстық Ішкі істер департаментінің баспасөз қызметі.