Павлодарда қызын ұрып-соққан Нұргүл Докуоваға қатысты іс әкімшілік сотқа жіберілді. Бүлдіршінді аяусыз төмпештеп, видеоға түсірген қатыгез келіншек енді аналық құқығынан айырылуы мүмкін.
Бұл туралы КТК хабарлады.
Ал сот шешіміне дейін әкесінің тәрбиесіне берілген Айлиннің өзі бүгін сұмдық оқиғадан кейін алғаш рет балабақшаға барды.
Ержан Қасымов, Айлиннің ағасы:
– Ешқандай да келісім болмайды. Біз үшін бастысы – баланың қауіпсіздігі. Айлиннің анасы бүгінге дейін бір рет те келген жоқ, хабарласпады да. Сот оны аналық құқығынан айырмаған жағдайда, апелляциялық сотқа шағым жазамыз. Баланы өз қамқорлығымызға алғымыз келеді.