„Өзімді сатқан адамға ешқашан сенбеймін!„ Елбасы Мұхтар Әбілязовқа қатысты пікірін білдірді
Елбасы Нұрсұлтан Назарбаев БАҚ өкілдерімен өткен кездесуде сенімін ақтамаған шенеуніктер туралы әңгіме қозғады.
Президент еліміздің бірнеше облысындағы әкімдердің ауысуы туралы пікір білдірді.
Нұрсұлтан Назарбаев
“Кулагин зейнет жасына келдім, барлық жерде жұмыс істедім деп рахметін айтты. Содан соң, ауыстырдым. Маңғыстау облысының әкімі вице-министрлік қызметке өзі сұранды. Қарағанды облысына өз жерінің тумасын қойдық”, – деді Елбасы.
“Өсіріп, үйретіп, сенім артқан мамандарың кейін быт-шыт болып жемқорлықпен ұсталғанда, қиналасың.
Мен біреуді орнынан алып тастау үшін тағайындамаймын ғой. Ол еңбек етіп, халыққа қызмет етеді деп үміттенемін.
Қазір үкіметте 70-жылдары туылған, тепсе, темір үзетін жігіттер отыр”, – деді мемлекет басшысы.
Сонымен қатар, елбасы білімді шенеуніктердің барлығына бірдей мүмкіндік бергенін айтып, Мұхтар Әбілязовқа қатысты да өз ойын айтты.
“Әбілязовты да жас кезінде министр етіп қойдым. Сенімнен шықпады.
Мен бір сатқан адамға қайтадан сенбеймін.
Ондай адам тағы да сатады”, – деді президент.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе