“Өтінішін қанағаттандырдым”. Путин Аман Төлеевті кетірді (видео)
Ресей Федерациясының президенті Владимир Путин Кемеров облысының губернаторы Аман Төлеевтің отставкаға кету туралы өтінішін қанағаттандырды.
Бұл туралы Кремльдің сайтында хабарлама жарияланды.
https://kaz.365info.kz/ket-aman-kemerovo-tyrgyndary-aman-toleevtin-otstavkasyn-talap-etude-video-307890
Ресей президенті “Кемеров облысының губернаторының қызметін дереу арада үзу туралы” қаулы шығарып, оған қол қойды. Осы құжатта Сергей Цивилевтің губернатор міндетін уақытша атқарушы боп тағайындалғаны да жазылған.
“Кемеров облысының губернаторы Төлеевтің өз еркімен отставкаға кетуі туралы өтінішін қабыл алдым” делінеді құжат мәтінінде. Құжат президент қол қойған күннен бастап өз күшіне енеді екен.
Айта кетелік, Кемеровтегі сауда орталықтарының бірінде 25-наурызда өрт болды. Алапат қызыл жалын, 64 адамның өмірін жалмады, оның 41-і — бала.
73 жастағы Аман Төлеев Кемеров облысын 1997 жылдан бері басқарып келді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе