Өткен жылдың 11 айында Қырғызстанның Еуразиялық экономикалық одақ елдерімен сауда айналымы 16,7 пайызға төмендеген. Республиканың ұйымға қосылу нәтижелерін 2 ақпанда министрлер кеңсесі ұсынды.
Қырғызстанның басты сауда әріптесі – Ресеймен арадағы тауар айналымы 6,1 пайызға төмендеген. 2016 жылы Қырғызстан мен Ресей арасында 958 миллион долларға сауда жасалса, 2015 жылы бұл көрсеткіш 1,3 миллиард доллар болған.
Қырғызстан 2015 жылыдң 12 тамызында осы ұйымға мүшелікке қабылданды. Оған Ресей, Қазақстан, Беларусь және Армения мүше.
Қырғызстан экономика министрінің орынбасары Эльдар Абакировтың айтуынша, Ресей мен Қазақстанда экономикалық өсімнің тежелгенін ескеру керек. Оның пікірінше, осы елдердегі девальвация сауда айналымының түсуіне кері әсер еткен.