Қостанай кеден бекетінің техникалық қамсыздандыру орталығының басшысы ұсталды

13 желтоқсан 2016, 14:30

Нұрғазина тауарларды кедендік ресімдеуді жеделдету үшін жеке тұлғалардан жүйелі түрде пара алу мақсатында қылмыстық схема құрған. Оған кеден бекетінің 11 лауазымды тұлғасы мен 30-дан астам кәсіпкерлер ат салысқан. Әрқайсысының атқаратын өз жауапты тапсырмасы болған, оларды Нұрғазина жалпылама басқарып отырған. Мәселен, кеден бекетінің маманы Жақсылықов “кассир” болған.

“Биыл қараша-желтоқсан айларында алынған пара көлемі 10 миллион теңгеден асады. Қазіргі уақытта Нұрғазина мен Жақсылықов ҚР Қылмыстық процессуальдық кодексінің 128-бабына сәйкес ұсталып, Рудный қаласы ішкі істер басқармасының уақытша ұстау изоляторына қамалды”, — деп хабарлайды департамент.

Сот алды тергеу жұмыстары басталып кетті.