Өскеменде өрт сөндірушілер оттан 4 газ балоны мен бензин толы құтыны алып шықты (фото)
Өскемен өрт сөндірушілері оттан газ баллондарын алып шығып, жарылыстың алдын алды.
Бұл туралы Шығыс қазақстан облысы Төтенше жағдайлар департаментінің баспасөз қызметі хабарлады.
Жексенбі күні Бобровка кентінде қора-қопсы жанып, өрт жеке жайға қарай алмасқан. Шатыр-шұтыр жанған ағаштар лезде қарайып қалып жатты. Өрт сөндіруші көлігі 150 метр үйге жақындағанда омбы қарға батып қалған. Қызыл жалынның ешнәрсемен санаспайтынын білген өрт сөндірушілер қосалқы күшке жүгінген. Көлік батқан жерден 100 метрлік шланганы сүйреген олар отты сөндіруге асыққан. Құтқарушылар, ең алдымен, жалын жалмаған аймақты барлап, отқа оранған ағаш бастырма астынан 4 газ баллоны мен 6 бензин канистрін алып шыққан.
Тілсіз жау оларға да жетіп үлгерген, бірақ өрт сөндірулер шапшаң қимылдап, жарылыстың алдын алды. Нәтижесінде өрт сөндіріліп, ешкім зардап шеккен жоқ.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз