Өскемен қаласының әуежайының жанында ұшақ аппатты жағдайда әрең қонды

Желіде қара түтін шығып, төңкеріліп жатқан ұшақтың видеосы тарап кетті. Оқиға жанындағы куәгерлердің айтуынша ұшақ құлап түскен. Алайда, Қазақстанның Авиациялық әкімшілігінің мәліметі бойынша Ан-2 ұшағы қозғалтқышында ақау пайда болғандықтан, шұғыл қонуға мәжбүр болған.

«Қазақстанның авиациялық әкімшілігінің хабарлауынша, «Орлан 2000″ әуе компаниясының Ан – 2 ұшағы санитарлық тапсырма бойынша Өскемен — Ақсуат бағытында ұшқан. 12.50 экипаж қозғалтқышында күтпеген ақау пайда болғанын жеткізді. Әуе кемесінің командирі Өскемен әуежайынан 1,5 шақырым жерде мәжбүрлі қону туралы шешім қабылдаған. Бортта 5 адам болған, оның 3-і экипаж мүшелері, 2-і қызметтік жолаушылар, — деп ақпарат береді  ҚР ИИДМ ААК.