Өскемен әкімі орынбасарына қызметтік көлікпен жүруге тыйым салды
Өскемен әкімі Қуат Тумабаев орынбасары Расул Манаповқа 2 айға дейін қызметтік көлікпен жүруіне тыйым салды.
Одан бөлек орынбасары «ӨскеменТәртіп» коммуналды кәсіпорнында 20 сағат жұмыс істеп өтуі тиіс. Өйткені, Расул Манапов жұмыстан тыс күні демалыс орнына қызметтік көлікпен барған, деп жазады yk-news.kz.
Қала әкімдігінің желідегі ресми парақшасында әкімнің шенеунікті жазалағаны жөнінде ақпарат жарияланды.
«Өскемен әкімі Қуат Тумабаев орынбасары Расул Манаповқа екі айға дейін қызметтік көлікпен жүруге тыйым салды. Ол бүгіннен бастап 1 қаңтарға дейін қоғамдық көлікпен қатынайтын болады», – делінген хабарламада.
Баспасөз қызметіндегілер Расул Манаповтың өкініш білдіретінін атап өтті. Ол мемлекетке өтемақы төлеп, 20 сағат қоғамдық жұмыс істеуге міндеттелген.
Дереккөз: Stan.kz
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз