Өткенде редакциямызға Шығыс Қазақстан облыстық мәслихатының хатшысы Владимир Головатюктің қос азаматтығы бары туралы хат келген. Жариялағанбыз. Сол хатқа жауап келіпті.
Жауапты Шығыс Қазақстан облысы әкімінің баспасөз қызметі әзірлепті.
“Шығыс Қазақстан облыстық мәслихатының хатшысы В.М. Головатюкте Қазақстан Республикасы мен Ресей Федерациясының қос азаматтығы бар болуы туралы қазақстандық интернет-ресурстарда орналастырылған ақпарат бойынша 2017 жылдың 25 қаңтарында облыс әкімдігінде өңірдің құқық қорғау органдарының қатысуымен кеңес өтіп, онда аталмыш мәселе бойынша бұрынғы жұмыс туралы ақпарат тыңдалды.
Кеңестің қорытындысы бойынша көрсетілген фактілерді тексеруді туралы шешім қабылданды, – делінген екен мұнда.
Демек, тексеру жұмыстары енді басталды деген сөз. Әліптің артын бағайық…