Нұр-Сұлтан
Қазір
4
Ертең
7
USD
427
0.00
EUR
497
0.00
RUB
5.5
0.00

Өрнек ауылында бүтін бір отбасы лашықта тұрып жатыр

Бексұлтанның отбасы бірнеше айдан бері күркені паналалауға мәжбүр. Пәтерге төлейтін ақшалары болмағандықтан, ескі шиферлардан уақытша баспана тұрғызып алыпты.

«Балаларға қолайсыз болып жатыр. Қолайсыз болса да, осы жерде тұрып жатырмыз. Кейбір кезде  дәу тышқандар бар, кіріп кетеді. Маса, шыбын-шіркейлер бар. Балаларды шағып кетеді, әйтеуір» – дейді Өрнек ауылының тұрғыны Нәбира Манап.

 

https://kaz.365info.kz/auylda-arzan-baspana-aludyn-sharttary-khandaj-bolady-320444

Жергілікті дәрігерлер отбасының тұңғышы Ерзат арнайы есепте тұратынын айтады. Бала тұқым қуалайтын ауруға шалдығыпты. Салдарынан көп қан жоғалтқан. Ал жүрегінде ақауымен туылған кенжелері де дәрігерлер бақылауында екен.  Айтуларынша дәрі-дәрмекпен тегін қамтылуда.

«Тромбоцид  деген зат бар қанның құрамында. Ол бір-біріне жабысып ұю керек.  Бір кездерде қан көп жоғалтып, сол ұйымау себебінен бала қан аздықпен зардап шегеді. Сол үшін біз оған «Ферабит» деген қан толтыратын тегін дәрі береміз» – дейді Балтабай ауылдық дәрігерлер амбулаториясының балалар дәрігері Гүлжаз Тұрдыбек.

Шифердан тұрғызылған нысан  бір қарағанда құрылыс материалдарын сақтауға арналған жаппа сияқты болып көрінуі мүмкін. Алайда бұл бес жаннан тұратын Самсабектер отбасының негізгі баспанасы. Отағасының басты арманы қара күзге дейін мына жерден екі бөлмелі үй тұрғызу.

 

https://kaz.365info.kz/khuanyp-tyrmyn-meshitti-tegin-tazalap-zhyrgen-kelinshekke-zhamagat-kolik-syjlady-foto-320094

Ақысын төлей алмаған соң жалдамалы пәтердің қожайыны оны босатуды сұраған. Ал қолжетімді  ақшаға өзгесін таба алмаған отағасы өзінің жер теліміне шағын баспана соғуды ұйғарыпты. Бірақ оның да ақшасын да әлі толық өтемеген. Құрылыс материалдарын да қарызға алғанын айтады.

«Кірпішті қалайын деп тұрмын. Ана ағаштарды бір ағалар қарызға алып берді. Ақырын-ақырын, аздан төлеп тұрамын деп алдым. Енді ана кірпіштерді қалап көремін. Жетпей қалса, және де көреміз» – дейді Өрнек ауылының тұрғыны Бексұлтан Самсабек.

Ал ауылдық округ әкімі бұл отбасы күркеде емес, жанындағы пәтерде тұрады деп сендірмек болды.

 

https://kaz.365info.kz/mynysy-kim-tagy-tauekel-mysilim-tagy-bir-khyzben-tysken-sureti-tarap-ketti-320818

Дегенмен ауыл халқын асарға жұмылдырып, қыс түскенше екі бөлмелі үй салуға жәрдесеміз деп уәдені үйіп төкті. Көп ұзамай құрылыс жұмыстары басталмақ.

«Жәрдемақы алу үшін, біз оны жұмыспен қамтып, қазір бізге жұмысқа кірді. Алдымен өзі жұмысқа кірді, содан кейін жәрдемақы тағайындады. Осы айдың аяғында алады. 35-40 мың алады» – дейді Балтабай ауылдық округінің әкімі Жұман Мықыбаев.

Осылайша, ауыл әкімі бұл отбасын назардан тыс қалдырмаймыз деп сендірді.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз