Оралда автосалон ұрланған көлік сатқан
Оралда тұрғынның автосалоннан алған көлігі ұрланған болып шықты. Орал қаласының тұрғыны ЖШС-нің үстінен арыз түсірді. Ол автокөлікті сатып алу-сату шартын бұзып, шығынды ескере отырып, автокөліктің құнын өндіріп алуды, есептен шығаруды және моральдық шығынды өтеуді сұрады.
Іс материалдарынан ер адамның ескі көлікті автосалоннан сатып алғаны белгілі болды. Автокөліктің құны жартылай несие есебінен төленді. Алайда сатып алу-сату шартын жасасқаннан кейін көліктің халықаралық іздеуде екені және оған шектеу қойылғаны анықталды.
«Сатып алушы үшінші тұлғалардың құқықтарымен ауыртпалық салынған тауарды қабылдауға келісімін бермесе, үшінші тұлғалардың кез келген құқығынан босатуға міндетті. Сатушының бұл міндеттемені орындамаса, сатып алушыға тауардың бағасын төмендетіп, шартты бұзу және залалдарды өтеуге міндетті болады», – деп хабарлады Батыс Қазақстан облыстық сотының баспасөз қызметі.
Апелляциялық алқа сатып алу-сату шартын бұзу туралы талап арызды қанағаттандырып, моральдық зиянды өтеу туралы талап арызды ішінара қанағаттандырып, шығынды ескере отырып, автокөліктің құнын өндіру туралы шешім қабылдады. Бірақ ер адам көлікті өзі тіркеуден шығаруы керек болады. Ол үшін уәкілетті органға хабарласуы қажет.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе