Оппозиция көсемі түрмеден шықты
Самандар Қоқановтың туыстарының хабарлауынша, 24 қарашада Өзбекстан ІІМ Жазаны орындау бас басқармасының өкілдері 72 жастағы саясаткердің бостандыққа шыққанын хабарлаған.
Өзбекстанның экс-депутаты, Шыназдағы мұнай өңдеуші зауыттың бұрынғы директоры Самандар Қоқановтың түрме жазасы биыл 6 қазанда аяқталды. Ол темір торда 23 жыл төрт айын өткізді.
Қоқанов 1993 жылы 2 маусым айында мемлекет мүлкін талан-таражға салды деген айыппен ұсталған. Бір жарым жылға созылған тергеуден соң Қоқанов 20 жылға бас бостандығынан айрылды.
Қоқанов 1989 жылы Өзбекстанның Олий Кенгашына қазір президент қызметін уақытша атқарушы Шавкат Мирзиёевпен бір уақытта сайланған. Саясаткердің жақтастары оны Өзбекстанның алғашқы президенті Ислам Кәрімовтің жеке тапсырмасымен сотталғанын мәлімдеген еді.
Самандар Қоқановты адам құқығын қорғаушылар саяси тұтқын деп таныды, ол – тәуелсіз Өзбекстан тарихында түрмеде ең ұзақ отырып шыққан саяси тұтқын.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз