Оңтүстік Қазақстан облысы Мақтаарал ауданында ерлі-зайыптыны өлтірген күдіктіні қамауға алынды.
Бұл туралы ОҚО ІІД-нің баспасөз қызметі хабарлады.
Жантүршігерлік оқиға 2017 жылы 13-ақпанда орын алды. Ол кезде Мақтаарал аудандық ішкі істер басқармасына Алмалы ауылындағы көшелердің бірінде ер адам мен әйел адамның зорлық белгілерімен мәйіттері табылғаны хабарланған. Оқиға орнына жедел-тергеу тобы жетіп, криминалистер марқұмдардың балталанғаннан қаза тапқанын айтқан. Полицейлер қаза тапқандардың жеке басын анықтаған. Олар отбасылық жұп болып шыққан: Мақтаарал ауданының тұрғындары 1958 жылғы ер адам және 1966 жылғы әйел адам.
Соның қорытындысы бойынша, бір ай өткенде жедел-іздеу шаралары барысында полицейлер күдіктіні ұстаған, ол 1991 жылғы жергілікті тұрғын болып шыққан. Ол кінәсін толығымен мойындады. Заттай дәлел ретінде балта тәркіленген.
Қазіргі уақытта полицейлер оқиғаның барлық мән-жайын анықтап жатыр. Күдікті уақытша ұстау изоляторына қамалған. Сотқа дейінгі тергеу шаралары жүріп жатыр.