Оңтүстік Қазақстан тұрғындары былтыр 300 млрд теңгеге жуық несие алған

Сондай-ақ, 2017 жылы өңір халқы банктерге 267,9 млрд теңге көлемінде салым жасаған. Бұл 2016 жылдың сәйкес кезеңімен салыстырғанда 13,2 пайызға артқанын көрсетеді. Халық салымдарының басым бөлігі ұлттық валютада сақтаулы.

«Екінші деңгейдегі банктерден берілген несие көлемінің 62,4 пайызы – жеке тұлғаларға тұтыну мақсатында, 19,8 пайызы – өнеркәсіп саласына, 14,4 пайызы – саудаға, 2,1 пайызы – құрылыс саласына, 1,3 пайызы – ауыл шаруашылығына берілген», – деді Арман Сәбитұлы.

Сонымен қатар, шағын және орта кәсiпкерлiктi дамытуға берілген несиелердің көлемі 43,9 млрд теңгені құрап, 12,4 пайызға артқан.