Өнер академиясы бұдан былай “Кинотану” мамандығын ағылшын тілінде оқытады
Алматыда Т.Жүргенов атындағы Қазақ Ұлттық өнер академиясы «Кинотану» мамандығына шақырады, деп хабарлайды ҚазАқпарат.
Т.Жүргенов атындағы ҚазҰӨА «Өнертану» факультеті, «Кино тариxы мен теориясы» кафедрасының оқытушысы Дина Әмірбекованың айтуынша талапкерлерге қойылатын шарт күрделене түспек.
«Кинотану» мамандығын биылдан бастап ағылшын тілінде жүргізетін боламыз. Тіл білетін, сол тілде жаза, ойлана алатын талапкерлерге 8 грант бөлініп отыр. Мақсатымыз – тілді жетік меңгерген мамандар арқылы қазақ киносын әлемге таныту. Және тағы бір жаңалығымыз – күндізгі бөліммен қатар ғаламтор арқылы қашықтан оқытуды іске қосамыз», – дейді Дана Әмірбекова Жас талапкерлермен қатар екінші, үшінші мамандық аламын деушілерге де оқу орнының есігі ашық.
«Мектеп түлектерінің ҰБТ-дан жинаған «Қазақ тілі» мен «Қазақстан тарихы» пәндерінің баллы есептеліп, оған шығармашылық емтихан көрсеткіші қосылады. Шығармашылық емтиханның бірінші кезеңінде сұрақтарға жауап беру керек, екіншісінде фильмге талдау, рецензия жасалады» ,- деді Дана Әмірбекова Кешенді тестілеу тапсыратын талапкерлердің құжаттары 23 маусым сағат 12:00-ге дейін қабылданады. 25 маусымнан бастап мектеп түлектерінің құжаттары қабылдана бастайды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе