Олигарх сотталды
Лондонның Жоғарғы соты белгілі тәжік олигархы Аваз Назаровты 1 жыл және 9 айға соттады.
Кәсіпкер Лондон Жоғарғы сотының шешімін елемеді және 35 млн долларды ресейлік кәсіпкерге, VIS Trading Co компаниясының қожайыны Валерий Воробьевқа қайтармады деп айыпталды. Хабарларға қарағанда, Воробьев балық өнеркәсібінде істейді және Аваз Назаров одан 10 млн доллардан астам қаражатты Тәжік алюминий зауытына қарсы сот процесі кезінде адвокаттар қызметіне төлеу үшін алған.
“Ансол” компаниясын басқарған Аваз Назаров Тәжік алюминий зауытына глинозем жеткізумен айналысқан, 2005 жылы Тәжікстан Бас прокуратурасы оны 500 млн долларға жуық қаражатты иемденді деп айыптады. Тәжікстанды тастап Британияға қоныстанған Назаров Тәжікстанның бірқатар басшысын кәсіпкерлік ережелерін бұзды деп айыптап, оларға қарсы Лондон сотына шағымданды.
Хабарларға қарағанда, Тәжікстан осы процесс барысында 100 млн доллардан астам қаражатты адвокаттар қызметіне жұмсаған. Бес жылға созылған сот талқылауы тараптардың бітісуімен аяқталды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз