“Ойбай, есімді жисам полицейлермен атысып жүрмін”. Алматыда мас жігіт ұсталды

Алматы тұрғыны өз отбасына қару кезенген. Полицейлер оған қарсы қару қолдануға мәжбүр болды.

Бұл туралы қалалық ІІД баспасөз қызметіне сілтеме жасап, Tengrinews.kz хабарлады.

“Алматыдағы медициналық мекемелердің біріне 1982 жылғы тұрғын жеткізілді, ол мас күйде өз отбасына қару кезенген. Жол-патрульдік полиция жасағы оқиға орнына келген соң қаскөйден қаруын жерге тастауын талап еткен. Алайда ол полицейлердің заңды талабын ескермей, атқан”, – деп хабарлады ІІД өкілдері.