Шымкент тұрғындары 1-шілдеден бастап өскен зейнетақы мен жәрдемақыларды ала бастады.
Шымкенттік зейнеткерлер 1 шілдеден бастап, қайта есептелген зейнетақыларын алып жатыр. Үлестіруші банк өкілдерінің айтуынша, төлемдер екі күн бұрын беріле бастаған. Бүгін банкомат карточкалары арқылы алатындарға аударылған. Зейнеткерлер қосылған үлес ақшаның мөлшері күткеннен аз деп отыр.
“Мен Семей полигонында әскери борышымды өтегенмін. Ешқандай өсімді байқамадым. Орталықтан себебін білемін”, — деді Оtyrar.kz-ке қала тұрғыны:
“Ақша кімге жеткен еді? Өзімнің есебім бойынша 10 мың теңге қосылуы тиіс еді, алайда жеті мың теңгеге зейнетақым өсіпті, оған да шүкір”,
— деді тағы бір зейнеткер.
https://kaz.365info.kz/kelesi-zhyly-zejnetakhy-osedi-osylaj-degen-ministr-dyjsenova-khandaj-khulykhkha-bardy-286649
Естеріңізге сала кеттейік, 1-шілдеден бастап елімізде зейнетақы мен бала туғанда берілетін бір жолғы жәрдемақы көлемі 20 процентке, әскери қызметшілердің жалақысы 25 процентке өсті. Биылғы жылы бірінші кезеңде, яғни, 1-қаңтардан бастап ынтымақты зейнетақы мөлшері 9, базалық зейнетақы 7 процентке артты.
Айта кетейік, 1998 жылдың 1-қаңтарына дейін тағайындалған базалық зейнетақы зейнеткердің іс-құжатында бекітілген стажына сәйкес қайта есептеледі. Демек, еңбек өтілі 10 жыл және одан кем болса, оларға ең төменгі күнкөріс деңгейінің 54 проценті тағайындалады. Еңбек өтілі 10 жылдан асатындарға әр жыл үшін 2 процент үстеме қосылады. Егер еңбек өтілі 20 жыл болса, ең төменгі күнкөріс деңгейінің 74 проценті, ал еңбек өтілі 35 жыл болса, базалық зейнетақы 100 проценті көлемінде болады екен.