Оңтүстікте үш депутат «көтеріліп» кетті
ОҚО мәслихатының үш бірдей депутаты мандатынан айрылды. Облыстық мәслихаттың кезектен тыс X сессиясында халық қалаулылары бұл шешімді бірауыздан қолдады.
Үш бірдей депутат жоғары лауазымды мемлекеттік қызметке ауысты. Соған байланысты уақытынан бұрын өкілеттік мерзімін тоқтатты. Атап айтсақ, өткен жылдың 30-желтоқсанында Бауыржан Жамалов ОҚО әкімінің орынбасары болып тағайындалды.
Облыстық мәслихаттың мемлекеттік-құқық мәселелері және жергілікті өзін-өзі басқару жөніндегі тұрақты комиссия мүшелері тарапынан қолдау тапқаны айтылды, жиында.
Мәслихат отырысында өңірдің бірнеше азаматтарына «Оңтүстік Қазақстан облысының Құрметті азаматы» атағы берілді. Сондай-ақ «2017-2019 жылдарға арналған облыстық бюджет туралы» шешіміне өзгерістер мен толықтырулар енгізілді. Оның ішінде әлеуметтік бағыттарға бөлінетін қаражаттың артқаны айтылды. Сонымен қатар ОҚО әкімі Жансейіт Түймебаев коммуналдық қызмет көрсету жүйесінде жөндеу жұмыстарын жүргізу үшін республикалық қазынадан қомақты қаражат бөлінгенін жария етті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе