Бүгін ел аумағының басым бөлігінде ауа райы жауын-шашынсыз болады, деп хабарлайды Қазгидромет.
Республиканың оңтүстік- шығысында, шығысында және солтүстігінде жаңбыр жауып, найзағай ойнайды, шығыста бұршақ жаууы мүмкін. Кей жерлерде жел күшейеді, оңтүстікте шаңды дауыл көтеріледі деп болжануда. Солтүстік-батыстың кей жерлерінде тұман түседі.
Оңтүстік Қазақстан облысының кей жерлерінде 15-20 м/с жылдамдықпен жел соғып, шаңды дауыл тұрады.
Жамбыл, Қызылорда, Солтүстік Қазақстан, Павлодар, күндіз Алматы облыстарының кей жерлерінде жел 15-20 м/с-қа дейін күшейеді.
Алматы, Атырау, Батыс Қазақстан облыстарының кей жерлерінде, Ақтөбе облысында аптап ыстық болады.
Шығыс Қазақстан облысының кей жерлерінде жел күшейеді –15-20 м/с, күндіз бұршақ жаууы мүмкін.
Оңтүстік Қазақстан, Жамбыл облыстарының кей жерлерінде өте жоғары өрт қаупі сақталады.