АҚШ-тың Нью-Йорк қаласында сенбі күні кешкісін ондаған адам жергілікті мешіт имамының өліміне байланысты наразылық акциясын өткізді, деп хабарлады ВВС. Наразы топтың пікірінше, қылмысты мұсылмандарға қарсы өшіккендер жасаған.
New York Daily News басылымының хабарлауынша, шеруге шыққандар АҚШ-та исламофобияның күшеюіне Республикалық партияның президенттікке үміткері Дональд Трамп кінәлі деп есептейді. Сайлау алды науқанында Трамп мұсылдандардың елге келуіне уақытша тыйым салуды ұсынды. Осы сөздері үшін миллиардер талай мәрте сынға ұшырады.