31 қазанда Манхэттен ауданында терракт болды, салдарынан 8 адам қаза тауып, 12-ден астам адам жараланды, деп хабарлайды CNN телекомпаниясына сілтеме жасаған ТАСС.
Терракт жасаған адам – Өзбекстан тумасы. Ол өзінің жүк көлігінде хат қалдырып кеткен. Хатта “Ислам мемлекеті” (ИГИЛ) атынан әрекет етіп отырғанын айтқан.
Ресми дерек бойынша, жігіт жүк көлігімен қатты жылдамдықпен велосипедке арналған жолақпен жүрген, алдынан шыққан жолаушыларды таптап өте берген. Қаскөй мектеп автобусымен соқтығысқан.
Ер адам жүк көлігінен түскенде, болжам бойынша қолында қаруы болған, полиция оны атып, ішінен жаралаған.
Нью-Йорк мэрі Билл де Блазио шұғыл түрде оқиға орнына жетті.
АҚШ ішкі қауіпсіздік министрлігі оқиғаны “терроризм акті” деп мойындады.