Бүгін Қазақстан Президенті Нұрсұлтан Назарбаевтың төрағалымен ел Үкіметінің кеңейтілген отырысы басталды, деп хабарлайды ҚазАқпарат.
Отырыс барысында еліміздің 2017 жылғы әлеуметтік-экономикалық даму қорытындылары шығарылып, алдағы уақытта экономикалық өсімді қамтамасыз ету жөніндегі шаралар айқындалады деп күтілуде.
Өңірлік шекте өнеркәсіп өндірісінің көлемінің артуы 14 өңірде байқалды. Ең жоғары өсім Атырау облысы мен Астана қаласында тіркелген. Ал ауыл шаруашылығы жалпы өнімінің өсімі 2,9 пайызға жетті. Бұл ретте ауыл шаруашылығы өнімдері өндірісінің еліміздің 14 өңірінде байқалғанын атап өткен орынды. Ең жоғары өсім – Маңғыстау, Павлодар, Жамбыл және Ақтөбе облыстарында. Құрылыс саласындағы өсімнің жоғарылауы Қостанай, Ақмола, Қызылорда және Ақтөбе облыстарында байқалады. Жалпы, 2017 жылдың қаңтар-желтоқсан айларында пайдалануға берілген үйлердің өсімі 6,2 пайызға жетіп отыр.