Нұрсұлтан Назарбаев Астанадағы жаңа мешітке барды
Мұсылмандардың қасиетті Рамазан айының қарсаңында Мемлекет басшысы Астананың Сарыарқа ауданында орналасқан жаңа мешітке барды, деп хабарлайды Вaq.kz ақпарат агенттігі Ақорданың баспасөз қызметіне сілтеме жасап.
Қазақстан Президенті Нұрсұлтан Назарбаевқа мешіттің құрылысы мен ғимаратты электр және жылумен қамтасыз етуде пайдаланылатын баламалы энергия көздері туралы толығырақ мәлімет берілді.
Ғимарат ұлттық орнаменттерді және декоратив элементтерді қосып, постмодернизм стилінде салынған. Күмбезінің диаметрі – 26 метр. Сырттай қарағанда, мешіт дизайны гүлге ұқсайды және алмаздың қыры сияқты болып көрінеді.
Мешіттің басты ғимаратынан солтүстікке қарай орналасқан мұнараның ұзындығы – 43,5 метр және ол «қасиетті қалам» бейнесінде жасалған.
Мешітке 750 адам сияды. Аумағы – 2 48 шаршы метр. Ал жалпы учаскенің аумағы – 1,44 га.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе