Нұрсұлтан Назарбаев: Астана – еліміздегі барлық бастамалары мен оң өзгерістердің флагманы
Қазақстан Президенті Нұрсұлтан Назарбаев «Астана» халықаралық қаржы орталығының ашылуы еліміздің дамуына оң серпін беретінін айтты.
Бұл туралы Baq.kz хабарлады.
Президент алдымен Астананың 20 жылдығын атап өткелі отырғанын айтты.
«Бұл күндері әсем Астананың 20 жылдық мерейтойын атап өткелі отырмыз.Тарих үшін қас-қағым 20 жыл ішінде даланың дәл ортасында тұрған шағын қала бүгін миллионнан астам халқы бар мегаполиске айналды.
Астана – тәуелсіздіктің, еліміздің береке, бірлігінің дамуының символы. Астана – еліміздегі барлық бастамалары мен оң өзгерістердің флагманы.
Сондықтан халықаралық қаржы орталығының ашылуы соның айқын көрінісі», – деді Мемлекет басшысы «Астана» ХҚО ашу рәсімінде.
Оның айтуынша, қаржы орталығының тұсаукесер салтанатын тамашалауға 50-ден астам мемлекет пен халықаралық ұйымдардың өкілдері келген. Осы орайда Елбасы оларға өз алғысын білдірді.
«Әсіресе, Абу Даби әмірлігінің мұрагері, Біріккен Араб Әмірліктерінің қарулы күштері бас қолбасшысының орынбасары шейх Мұхаммед бен Заид Əл Нахаян мырзаға, Татарстан президенті Рустам Минниханов мырзаға ерекше алғысымды білдіремін», – деді президент.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе