Нұрлан Нығматулин Беларусь елінің елшісін қабылдады
Бүгін Мәжіліс төрағасы Нұрлан Нығматулин Беларусь Республикасының Қазақстандағы Төтенше және Өкілетті елшісі Анатолий Ничкасовты дипломатиялық миссиясының аяқталуына байланысты қабылдады.
Бұл туралы ҚР Парламенті Мәжілісінің баспасөз қызметі хабарлады.
Мәжіліс төрағасының айтуынша, ширек ғасыр ішінде елдеріміз арасында қарқынды саяси үнқатысу мен терең экономикалық байланыстар орнап, өзара іс-қимыл жан-жақты өнімді дамып келеді. Нұрлан Нығматулин атап өткендей, бұл екі ел Президенттері Нұрсұлтан Назарбаев пен Александар Лукашенконың өзара түсіністік пен достық ниетке негізделген бірлескен тиімді еңбегінің нәтижесі.
Мәжіліс төрағасы Беларусь мемлекеті Қазақстанның маңызды стратегиялық әріптесі екенін алға тарта келіп, Анатолий Ничкасовтың екі ел арасындағы іс-қимылды дамытуға айрықша үлес қосқандығына тоқталды. Бүгінде өзара ықпалдастық және парламентаралық әріптестік жыл сайын жаңа биіктерді бағындырып келеді. Өткен бес жыл ішінде, екіжақты байланысты тереңдету жолында барлық деңгейде белсенді жұмыстар атқарылғанын айта келіп, Палата спикері елеулі еңбегі үшін елшіге алғыс білдірді.
Өз кезегінде Анатолий Ничкасов біздің елде еңбек еткен жылдар қызмет жолындағы ең жемісті кезеңнің бірі болғанын атап өтті.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз