Нұр-Сұлтандық көлік жүргізушісі омбы қардан шыға алмай, қаза болды

Полицияға көлік жүргізушісінің танысы хабарласып, оның Шортанды ауданындағы Новокубанка мен Белое озеро ауылдарының арасында омбы қардан шыға алмай жатқанын хабарлады. Облыстық полиция өкілдері жүргізуші Nissan Patrol автокөлігінде болған деп хабарлады. Іздестіру жұмыстарына арнайы техника пайдаланып, полиция қызметкерлері мен құтқарушылар тобы және жергілікті еріктілер қатысқан. Нәтижесінде ер адамның мәйіті автокөліктен 5 км жерде табылған.

Жүргізуші елді мекенге дейін жаяу жетпекші болып, жолда қатып қалған болса керек.