Үкімет отырысында Атырау облысынан онлайн түрде қосылған әкім Нұрлан Ноғаев Үкімет басшысынан Атырау өңіріндегі 89 ескі мұнай ұңғымасынан май ағып, экологияны бүлдіріп жатқанын айтып көмек сұрады.
Бұл туралы Baq.kz хабарлайды.
«Энергетика министрлігінде бұрын игерілген ескі мұнай кен орындарындағы 89 ұңғыма тіркелген. Олар апатты жағдайда, кей жерлерде сол ұғымалардан май ағып, жерді, суды бүлдіріп, экологиялық зардап әкеліп жатыр. Сондай-ақ Атырау облысында 180 гидрогеологиялық ұңғыма тіркелген. Олардан да су атқылап, қазіргі таңда бақылаусыз жатыр. Сіздің атыңызға мен осы ақпараттарды жазып, қолдауыңызды сұраған едім. Тиісті мемлекеттік органдарға тапсырма беруіңізді сұраймын. Бұл өте қауіпті жағдай, қазір шара қолданбасақ, соңынан кеш болуы мүмкін», – деді Нұрлан Ноғаев.